नेपाल पत्रकार महासंघ रुकुम पश्चिम शाखाको प्रकाशन मिडिया डायरी विमोचन भएको छ । नेपाल पत्रकार महासङ्घको ६९ औँ स्थापना दिवसको अवसरमा मुसिकोटमा आयोजित एक कार्यक्रमका बिच डायरी विमोचन गरिएको हो । 

डायरीमा जिल्लास्थित पत्रकार, सञ्चार माध्यमको विवरण सहित सम्पर्क नम्बर राखिएको छ । त्यस्तै जिल्लास्थित सम्पूर्ण जनप्रतिनिधि, सरकारी तथा गैरसरकारी कार्यालयहरूको विवरण र कार्यालय प्रमुखहरूको सम्पर्क नम्बर पनि राखिएको छ । एम्बुलेन्स, प्रहरी, राजनीतिक दल, सांसद तथा अन्य महत्त्वपूर्ण निकायका सम्पर्क नम्बर समेत राखिएको अध्यक्ष लक्ष्मण केसीले जानकारी दिनुभयो ।   

डायरी रुकुम पश्चिमको आठबिसकोट नगरपालिकाको सहयोगमा प्रकाशन गरिएको उहाँले बताउनुभयो । यो डायरी जिल्लाका सबै निकायहरूमा उपलब्ध गराइने अध्यक्ष केसीले बताउनुभयो ।