रुकुम पश्चिमको मुसीकोट नगरपालिका ७ साँखका एक युवा पक्राउ परेका छन् ।  जवरजस्ती करणी मुद्दामा फरार रहेका साँखका २६ वर्षीय राजे भन्ने  राजु कामी पक्राउ परेका हुन् । असोज २१ गते जवरजस्ती करणी मुद्दामा जिल्ला अदालतले कामीलाई १ वर्षको कैद सजाय तोकेको थियो ।

त्यसयता  फरार रहेका २६ वर्षीय कामीलाई आफ्नै घरमा लुकीछिपी बसेको अवस्थामा आज पक्राउ गरिएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक धर्मेन्द्र खड्काले जानकारी दिनुभयो ।

फरार रहेका कामीलाई जिल्ला अदालतमा उपस्थित बनाई अदालतको आदेशले कैद भुक्तानको लागि कारागार चलान गरिएको प्रहरी निरीक्षक खड्काले जानकारी दिनुभयो ।