रुकुम पश्चिमको आठबिसकोट नगरपालिकामा जारी महोत्सव आज पनि जारी रह्यो । महोत्सवमा आज लोक तथा दोहोरी गायिका टीका सानुले प्रस्तुति राख्नुभएको छ । टीकाको प्रस्तुति हेर्नका लागि ठुलो सङ्ख्यामा दर्शकहरू उपस्थित थिए । 

महोत्सव भोली पनि जारी रहने छ । महोत्सवमा भोली चर्चित हास्य कलाकार ‘धुर्मुस–सुन्तली’ आउने महोत्सव संयोजक तुल देवकोटाले जानकारी दिनुभयो । लामो समय कलाकारिताबाट अलग रहेका ‘धुर्मुस–सुन्तली’ यति बेला विभिन्न मेला महोत्सवमा व्यस्त छन् । 

‘धुर्मुस–सुन्तली’ केही समय अघि मुसिकोट खलङ्गामा सञ्चालन भएको महोत्सवमा पनि सहभागी भएका थिए भने आज मात्र रुकुम पूर्वको रुकुमकोटमा जारी महोत्सवमा सहभागी भएका थिए । भोली ‘धुर्मुस–सुन्तली’ सहित अन्य कलाकारहरूले पनि प्रस्तुति राख्ने महोत्सव संयोजक देवकोटाले बताउनुभयो ।