रुकुम पश्चिमको बाँफिकोट गाउँपालिका वडा नंम्बर २ मा रहेको जरेमुल, भाटी, स्वाँरा खानेपानी आयोजना जिर्ण बनेको छ । २०६२ सालमा जि.टी.जे.ट संस्था मार्फत निर्माण भएको उक्त आयोजना जिर्ण हुन लागेको छ । लामो समयसम्म मर्मत तर्फ कसैको ध्यान नजादा आयोजना जिर्ण बन्दै गएको हो । सुरुसुरुका वर्षहरुमा प्रशस्तै पानी आउने गरेपनि पछिल्ला वर्षहरुमा भने खानेपानीको कमी हुन थालेको छ । वर्षेनी हुने आगलागी र पहिरोबाट पाइप लाइनमा क्षेति हुनुका साथै मुहान संरक्षण नहुदा खानेपानीमा कमि आएको हो र

उक्त खानेपानी आयोजनाबाट वडाका लेकाली क्षेत्रका भाटी, स्वाँरा, मेलगैरी, मेलपोखरा, पैयाँगैरी, काँडा, रुखबाङ, मुसीचौर, माटौरा, रत्तकाट्ने, लगायतका ठाउँका करिब २ सय ६० घरधुरीले खानेपानी उपभोग गर्दै आएका छन् । ठुलो भुगोल र धेरै जनसंख्या रहेको उक्त क्षेत्रमा पर्याप्त खानेपानी नहुदा दैनिकि चलाउन मुस्किल पर्ने गरेको खानेपानी उपभोक्ता समितिका अध्यक्ष थलबिर नाथले बताउनुभयो । वडा नंम्बर २ का वडा अध्यक्ष धनबहादुर खत्रीले अहिलेसम्म उक्त खानेपानी आयोजना मर्मतको लागी कुनै निकायले ध्यान नदिएको स्विकार्नु भयो ।

आर्थीक वर्ष २०७६/७७ मा वडाले खानेपानी आयोजना मर्मतको लागी १ लाख रुपैया विनियोजन गरेपनि त्यो प्रयाप्त नभएको र अन्य कुनै निकायबाट सहयोग हुन नसकेको उहाँको भनाई छ । आयोजना मर्मतका लागि वडाको तर्फबाट निरन्तर पहल गरिरहेको उहाँले बताउनुभयो । १५ वर्ष अघी ७५ एम.एमको पाइप मार्फत १८ किलोमिटर टाढाबाट टोल टोलमा खानेपानी पुर्याइएको थियो ।