न्यु डायमन्ड यूथ स्पोर्टस क्लबकी प्रगति नाथ उदीयमान खेलाडी घोषित भएकी छन् । नेपाल भलिबल सङ्घ (एनभिए) ले शुक्रवार आयोजना गरेको चौथो एनभिए अवार्डमा प्रगति महिला तर्फ उदीयमान खेलाडी घोषित भएकी हुन् । उनले नगद ५० हजार पुरस्कार प्राप्त गरिन । रुकुम पश्चिमकी प्रगति केही वर्ष देखि न्यु डायमन्ड यूथ स्पोर्टस क्लबमा आबद्ध छिन ।

उनले नेपाली राष्ट्रिय महिला टिमबाट डेब्यु समेत गरिसकेकी छिन । सानै उमेरमा उनले राष्ट्रिय टोलीसम्मको यात्रा तय गरेकी छिन भने घरेलु भलिबलमा छुट्टै पहिचान बनाउन सफल भएकी छन् । यस अवार्ड अन्तर्गत नेपाल पुलिस क्लबका उषा भण्डारी र रविन चन्द वर्ष उत्कृष्ट भलिबल खेलाडी घोषित भएका थिए ।