योङ्ग कम्युनिस्ट लिग वाइसीयल नेपाल बाँफिकोट गाउँपालिका रुकुम पश्चिम‌को अध्यक्षमा राजेन्द्र पुरी निर्वाचित हुनु भएको छ। शनिवार भएको तेस्रो गाउँपालिका सम्मेलनबाट उहाँ सर्वसम्मत अध्यक्षता निर्वाचित हुनु भएको हो। पुरीको अध्यक्षतामा ३९ सदस्यीय गाउँ पालिका समिति गठन गरिएकाे छ ।

जसको उपाध्यक्षमा गोविन्द विक र रिता विक निर्वाचित सचिवमा गोर्खबहादुर विक निर्वाचित हुनुभएको हो । यस्तै सह सचिवमा मानव नेपाली, डिल्ली दाहाल, गङ्गाराम खत्री, र पुष्पा बाँठामगर तथा कोषाध्यक्षमा शिवा परियार निर्वाचित भएको नेकपा माओवादी केन्द्र बाँफिकोट गाउँपालिका अध्यक्ष चन्द्रबहादुर केसीले जानकारी दिनुभयो ।

नव निर्वाचित समितिलाई नेकपा माओवादी केन्द्रका केन्द्रीय निर्वाचन आयोगका सदस्य धर्मबहादुर केसी र कलबहादुर नाथ, वाइसीयल नेपाल उत्पादन तथा विकास निर्माण विभागका सदस्य सौरभ केसी, वाइसीयल नेपालका जिल्ला संयोजक गोविन्द ओली, वाइसीयलका कर्णाली प्रदेश सदस्य एलबी कटुवाल लगायतले बधाई तथा कार्यकालको शुभकामना दिनुभएको थियो ।