रुकुम पश्चिमको सानीभेरी गाउँपालिकामा यही वैशाख १५ र १६ गते खुला वडा स्तरीय पुरुष भलिबल प्रतियोगिता सञ्चालन हुने भएको छ । गाउँपालिकाको वडा नम्बर १ चाइनाबगरमा नयाँ वर्षको अवसरमा खुला वडा स्तरीय पुरुष भलिबल प्रतियोगिता हुन लागेको हो । योङ कम्युनिस्ट लिग वाइसीयल सानीभेरी गाउँपालिका खेलकुद विभागले भलिबल प्रतियोगिता आयोजना गरेको छ ।

प्रतियोगितामा सहभागिता जनाउन खेलाडीले अनिवार्य वाइसीयलकाे पाेसाक आफैले व्यवस्थापन गरेर लगाउनु पर्ने आयोजकले जनाएको छ । प्रतियोगितामा सहभागिता जनाउन दर्ता शुल्क भने निःशुल्क गरिएको वाइसीयल सानीभेरी खेलकुद विभागका सुशील खड्काले जानकारी दिनुभयो । भलिबल प्रतियोगितामा विजेता हुने समूहले नगद ५० हजार सहित प्रमाणपत्र प्राप्त गर्ने छ ।

त्यस्तै उपविजेता हुने समूहले नगद २० हजार सहित प्रमाणपत्र प्राप्त गर्दा सान्त्वना हुने दुई समूहले नगद १०/१० हजार पुरस्कार सहित प्रमाणपत्र गर्ने छ । प्रतियोगितामा सहभागी हुन शुक्रवारसम्म दर्ता गरिसक्नु पर्ने आयोजकले जनाएको छ ।