रुकुम पश्चिमको आठबीसकोट नगरपालिकाका विद्यालयहरु एक साताका लागि बन्द गरिएको छ । कोरोना भाईरसको बढ्दो संक्रमणलाई लक्षित गर्दै नगरपालिकाले आज देखि एक साताका लागि नगर भरका विद्यालयहरु बन्न गरेको हो । नगरपालिकामा हिजो मात्र २ जनामा कोरोना भाईरसको संक्रमण पुष्टि भएको थियो ।

नगरमा कोरोना भाईरसको खास अवस्था पहिचान गर्नका लागि एक साता सम्म सबै विद्यालय बन्द गर्ने निर्णय भएको नगर शिक्षा समितिका संयोजक तथा नगर प्रमुख गोर्खवहादुर केसीले जानकारी दिनुभयो । संक्रमणको अवस्था पहिचान गरी एक हप्ता पछि उपयुक्त निर्णय हुने उहाँले बताउनुभयो ।

यसैविच नगरपालिकाले पाठ्पुस्तकको ८५ प्रतिशत कोर्ष पुरा भइसकेको जनाएको छ । बाँकी कोर्ष १५ दिन विद्यालय संचालन गरे पुरा हुने बताईएको छ । उपयुक्त समयमा विद्यालय संचालन गरी बाँकी कोर्ष गर्ने नगर प्रमुख केसीको भनाई छ । साथै नगरपालिकाले आवश्यक सतर्कताका लागि सबै नगरवासीहरुलाई आग्रह समेत गरेको छ ।