रुकुम पश्चिमको सानीभेरी गाउँपालिकामा वडा स्तरीय पुरुष भलिबल प्रतियोगिता सुरु भएको छ । गाउँपालिकाको वडा नम्बर ३ को बेल्टापु खेलमैदानमा खुला वडा स्तरीय पुरुष भलिबल प्रतियोगिताको नेकपा माओवादी केन्द्रका केन्द्रीय अनुशासन आयोग सदस्य नरबहादुर पुन ताराले उद्घाटन गर्नुभयो । 

नेकपा माओवादी केन्द्रको सहायक संगठन योङ कम्युनिस्ट लिग वाइसीयल सानीभेरी गाउँपालिका खेलकुद विभागले प्रतियोगिता आयोजना गरेको हो । प्रतियोगितामा २५ समूहले भाग लिएको वाइसीयल सानीभेरी खेलकुद विभागका सुशील खड्काले जानकारी दिनुभयो । प्रतियोगिताको विजेताले नगद ५० हजार सहित प्रमाणपत्र प्राप्त गर्ने उहाँले बताउनुभयो । 

त्यस्तै उपविजेताले नगद २० हजार सहित प्रमाणपत्र प्राप्त गर्दा सान्त्वना हुने दुई समूहले नगद १०÷१० हजार पुरस्कार पाउने छन् । वाईसीयल सानीभेरीका अध्यक्ष बालकृष्ण बिकको अध्यतामामा भएको कार्यक्रममा नेकपा माओवादी केन्द्रका नरबहादुर पुन ताराको प्रमुख आतिथ्यता रहेको थियो । 

त्यस्तै पार्टी गाउँ कमिटी इन्चार्ज धनविर ओली पार्टी, कर्णाली प्रदेश कमिटी सदस्य बिर्खबहादुर बिष्ट लगाएतको पनि आतिथ्यता रहेको थियो । प्रतियोगिता २ दिनसम्म चल्ने आयोजकले जनाएको छ ।