रुकुमका क्रियाशील पत्रकार राजु लामिछाने सम्मानित हुनुभएको छ । चौरजहारी नगरपालिका –१ निवासी पत्रकार लामिछानेलाई नेपाल पत्रकार महासंघ कर्णाली प्रदेशले सम्मान गरेको हो । शनिवार दैलेखको कोतगढीमा भएको नेपाल पत्रकार महासंघ कर्णाली प्रदेशको ऐतिहासिक तेस्रो प्रदेश अधिवेशनको अवसरमा उहाँलाई सम्मान गरिएको हो । 

पत्रकारिता क्षेत्रमा पुर्याएकाे उल्लेखनीय योगदानको उच्च कदर गर्दै लामिछानेलाई सम्मान गरिएको हो । लामिछाने विगत दुई दशकदेखि पत्रकारितामा सक्रिय हुनुहुन्छ । हाल उहाँ गोरखापत्र राष्ट्रिय दैनिक, मूलपाटी अनलाइन, उज्यालो अनलाइन तथा रेडियो, असल शासन लगायतका मिडियामा कार्यरत हुनुहुन्छ ।