रुकुम पश्चिमको सदरमुकाम मुसिकोट खलङ्गामा जारी दोस्रो रुकुम कप भलिबलमा हाम्रो सरोकार रुकुम पश्चिमले लगातार दोस्रो जित हात पारेको छ । आज भएको पहिलो खेलमा सल्यानलाई ३–० को सोझो सेटमा पराजित गर्दै हाम्रो सरोकारले लगातार दोस्रो जित दर्ता गरेको हो ।

पहिलो सेट ९ का विरुद्ध २५ ले जितेको हाम्रो सरोकारले दोस्रो सेट २२ का विरुद्ध २५ र तेस्रो सेट २८ का विरुद्ध ३० ले जित्न सफल भयो ।

हाम्रो सरोकारमा कोसी प्रदेशका क्याप्टेन विष्णु बस्नेत सहित कर्णाली प्रदेशका क्याप्टेन शैलेन्द्र शाही लगायतका खेलाडी छन् । सल्यानमा सुदूरपश्चिम प्रदेशका बलदेवसिंह धामी, लुम्बिनीका विकास गिरी लगायतका खेलाडी छन् । प्रतियोगितामा ७ टिमको सहभागिता रहेको छ ।