रुकुम पश्चिममा जारी दोस्रो रुकुम कप भलिबलमा आयोजक रुकुम पश्चिमले विजयी सुरुवात गरेको छ । आज भएको खेलमा बाँफिकोट गाउँपालिकालाई ३–० को सोझो सेटमा पराजित गर्दै रुकुम पश्चिमले विजयी सुरुवात गरेको हो ।

रुकुम पश्चिमले पहिलो सेट १३ का विरुद्ध २५, दोस्रो सेट १५ का विरुद्ध २५ र तेस्रो सेट १८ का विरुद्ध २५ ले आफ्नो पक्षमा पार्दै सहज जित हात पारेको हो । आयोजक रुकुम पश्चिममा राष्ट्रिय भलिबल खेलाडी रविन चन्द, सफल विक, लोकेन्द्र गिरी लगायतका खेलाडीहरु छन् ।

आजै भएका खेलमा नेपाली सेनाको चण्डी दल गण सल्ले र होम्रो सरोकार रुकुम पश्चिम विजयी भएका छन् । आर्मीले बाँफिकोट गाउँपालिका ४ लाई र हाम्रो सरोकारले सल्यानलाई पराजित गरेका हुन् । दुवै खेल ३–० को सोझो सेटमा सकिएका हुन् ।