रुकुम पश्चिमको त्रिवेणी गाउँपालिका वडा नम्बर २ सिम्रुतुमा शुक्रबारदेखि महोत्सव जारी छ । महोत्सवमा राष्ट्रिय कलाकार सँगै स्थानीय कलाकारहरुले प्रस्तुति राखिरहेका छन । आज महोत्सवमा पछिल्लो समय लोकप्रिय बनेका  बाल गायक सुप्रीम मल्लले दर्शकलाई मनोरञ्जन दिनुभएको थियो । महोत्सवमा बाल गायक मल्लले आधा दर्जन बढी गित गाएर दर्शकलाई मनोरञ्जन  दिनुभएको हो  । 

बाल गायक मल्लले फापरको पिठो पठाइदेउ आमा, ओई काजल, धोके वाज, ओइ साइली, जाउ बाबू नभन्नु आमा लगायत आधा दर्जन बढी गितमा आफ्नो प्रस्तुति राख्नु भएको थियो । महोत्सवमा दर्शकको राम्रो उपस्थित रहेको महोत्सव संयोजक सोम्पाल कामीले जानकारी दिनुभयो । उहाँका अनुसार भोली सोमबार चर्चित  लोक तथा दोहोरी गायिका संगिता चितैरेको प्रस्तुती रहने छ ।

त्यस्तै महोत्सवमा काठमाडौ डान्स ग्रुपको प्रस्तुति रहनुका साथै स्थानीय कलाकारहरुको प्रस्तुति रहने आयोजकले नजाएको छ । महोत्सवको विच विचमा मयुर नाच पनि प्रदर्शन गरिने  बताएको छ । मयुर युवा क्लबको आयोजनामा शुक्रबारदेखि  सन्चालन भएको  महोत्सव वैशाख २४ गतेसम्म सन्चालन हुने छ ।