रुकुम पश्चिमको सानीभेरी गाउँपालिका वडा नम्बर ६ ले अपांगता भएका व्यक्तिलाई सम्मान गरेको छ । आज वडा कार्यालयमा एक कार्यक्रमको आयोजना गरी  वडामा रहेका अपांग व्यक्तिलाई वडाले सम्मान गरेको हो । वडामा रहेका २५ जना अपांग भएका व्यक्तिलाई १/१ वटाका दरले कासको थाली दिएर सम्मान गरिएको वडा अध्यक्ष पहलसिंङ घर्तीले जानकारी दिनुभयो । 

उहाँका अनुसार लैंगिक समानता तथा सामाजिक सामावेशीकरण अन्तर्गत ३० हजार बजेटबाट सम्मान गरिएको हो । जन्मजात  तथा विभिन्न दुर्घटनामा परी अपांगता भएका व्यक्तिलाई सम्मान गरिएको हो । वडाले हरेक वर्ष अपांगता भएका व्यक्तिलाई सम्मान गर्दै आएको छ । यस वर्षपनि वडामा रहेका सबै अपांगता भएका व्यक्तिहरुलाई सम्मान गरिएको वडा अध्यक्ष घर्तीले जानकारी दिनुभयो ।

वडा अध्यक्ष घर्तीको अध्यक्षतामा भएको सम्मान कार्यक्रम पुर्व वडा अध्यक्ष सर्पजित घर्ती, वडा सदस्य लगायत अन्य जनप्रतिनिधिहरुको आतिथ्यता रहेको थियो । कार्यक्रमको संचालन वडा सचिव नरेशबहादुर आले मगरले गर्नुभएको थियो ।