रुकुम पश्चिमको मुसीकोट नगरपालिका वडा नम्ब ५ सेरिगाउँमा ट्याक्टर दुर्घटना परेर घाइते भएका चालकको मृत्यु भएको छ । बुधबार विहान ट्याक्टर दुर्घटना हुँदा घाईते हुनुभएका मुसीकोट नगरपालिका वडा नम्बर २ का १८ वर्षीय ट्याक्टर चालक सागर परियारको मृत्यु भएको हो । बुधबार विहान रा १ त ३७१७ नम्बरको ट्याक्टर दुर्घटना परेर चालक परियार र वडा नम्बर ५ का ४० बर्षीय हरिचन्द्र केसी घाइते हुनु भएको थियो ।
उपचारको लागि नेपालगञ्ज लैजादै गर्दा परियारको चौरजहारीमा मृत्यु भएको र केसीलाई थप उपचारको लागि नेपालगञ्ज लगिएको जिल्ला प्रहरी कार्यालय रुकुम पश्चिमका सूचना अधिकारी बखत शाहीले जानकारी दिनुभयो । दुवै जनालाई जिल्ला अस्पताल सल्लेमा सामान्य उपचारपछि रेफर गरिएको थियो । परियारको शव पोष्टमार्टको लागि जिल्ला अस्पताल सल्लेमा ल्याएको छ ।
ट्याक्टर सेरिगाउँबाट पिपलनेटा जानेक्रममा दुर्घटना हुँदा सेरिगाउँस्थित विद्युत प्राधिकरणको कार्यालय नजिकै मध्यपहाडी राजमार्गबाट ३ मिटर तल खसेको थियो ।
