रुकुम पश्चिमको मुसिकोट नगरपालिका वडा नम्बर २ बारिपोलेका सुमन खड्काले आफ्नो जन्मदिनको अवसरमा विद्यालयलाई सहयोग गर्नुभएको छ । वैदेशिक रोजगारीको सिलसिलामा अमेरिकामा रहनुभएका उहाँले आफू पढेको विद्यालय महाकाली मावि समिबोटलाई एउटा साउन्ड सिस्टम सहयोग गर्नुभएको हो ।

आफूले अध्ययन् गरेकाे विद्यालयलाई विभिन्न कार्यक्रम सञ्चालन गर्न सजिलो होस भनेर जन्मदिनको अवसर पारेर साढे ८ हजार बराबरकाे साउन्ड सिस्टम सहयोग गरेको खड्काले बताउनुभयो । उहाँकी श्रीमती विष्णु खड्काले उक्त साउन्ड सिस्टम विद्यालयका प्रधानाध्यापक लोकबहादुर खड्का र विद्यालय व्यवस्थापन समिति अध्यक्ष खम्बु खड्कालाई हस्तान्तरण गर्नुभयो । साउन्ड सिस्टम सहयोग गर्ने पूर्व विद्यार्थी खड्कालाई धन्यवाद ज्ञापन गर्दै जन्मदिनको शुभकामना समेत व्यक्त गरेको छ ।