रुकुम पश्चिमको आठबिसकोट नगरपालिकाले ११ जनालाई सम्मान गरेको छ । १६ औँ नगर सभाको अवसरमा नगरपालिकाको विकासमा योगदान गरेको भन्दै विभिन्न क्षेत्रका ११ जनालाई नगद सहित सम्मान गरेको हो । सम्मानित हुनेमा कखरा डटकमका सम्पादक मनिष खड्का लगायत रहेका छन् । जनप्रतिनिधि तर्फ वडा नम्बर ३ का अध्यक्ष केशरमान विक, नगर कार्यपालिका सदस्य सेतु थापा, कर्मचारी तर्फ जयबहादुर बुढा, स्वास्थ्यकर्मी तर्फ सिर्जना खनाल र कृषक तर्फ खिमबहादुर बटाला सम्मानित भएको नगरपालिकाले जनाएको छ ।
त्यस्तै खेलाडी तर्फ ज्याभलिङ थ्रो की खेलाडी सरिता विक, जनविकास मावि घारीखोलाका प्रधानाध्यापक टीकाराम केसी पनि सम्मानित हुनुभएको छ । सञ्चारकर्मी तर्फ गोरखापत्रमा कार्यरत राजु लामिछाने, कान्तिपुरमा कार्यरत महेश केसी, कखरा सम्पादक मनिष खड्का र रेडियो नयाँ नेपालका स्टेसन म्यानेजर प्रेम कुसारी नगद सहित सम्मानित हुनुभएको छ । सबै जनालाई प्रमाण पत्र र नगद १० हजारले सम्मान गरिएको आठबिसकोट नगरपालिकाको भनाई छ ।
