मालपोत कार्यालय रुकुम पश्चिमको सेवा आज र भोली दुई दिन बन्द हुने भएको छ । कार्यालयले एक सूचना जारी गर्दै आज र भोली दुई दिन सेवा बन्द हुने जानकारी गराएको हो । कार्यालयको आर्थिक वर्ष २०८०/०८१ को राजस्व मिलान गर्नुपर्ने भएकोले दुई दिन सेवा बन्द गर्न लागिएको मालपोत कार्यालयका प्रमुख ओमबहादुर खत्रीले जारी गरेको सूचनामा उल्लेख छ । यो अवधिमा कार्यालयबाट प्रवाह हुने सबै नियमित सेवाहरू बन्द रहने बताइएको छ । श्रावण १ गतेबाट भने नियमित रूपमा सेवा प्रवाह हुने छ ।