रुकुम पश्चिमको सानीभेरी गाउँपालिका वडा नम्बर ४ लामाचौरमा आफ्नै घर भित्र मृत  फेला परेकी सुशीला मल्लको घटनाको अनुसन्धानको लागि कोहलपुरबाट तालीम प्राप्त कुकुर सहितको टोली घटना स्थल आइपुगेको छ । ४५ वर्षीया मल्लको हत्या भएको आशंका भएपछी थप अनुसन्धानको तालिम प्राप्त कुकुर सहितको टोली घटना स्थल आइपुगेको हो । बुधबार तालीम प्राप्त कुकुरबाट अनुसन्धान सुरु गरिएपनी वर्षाका कारण अनुसन्धान प्रभावित बनेको जिल्ला प्रहरी कार्यालय रुकुम पश्चिमका प्रमुख प्रहरी नायव उपरीक्षक नवराज पोखरेलले जानकारी दिनुभयो ।

उहाँका अनुसार थप अनुसन्धान बिहिवारबाट पुनः सुरु गरिने छ । बुधबार आज  घटना स्थलमा प्रारम्भिक कार्य सकाएर शव पोस्टमार्टमको लागि जिल्ला अस्पताल सल्ले ल्याएको छ । पोस्टमार्टम पश्चात अनुसन्धान गर्न थप सहज हुने प्रहरीले जनाएको छ  । ती महिलाको गहना लुटेर हत्या गरिएको आशंका गरिएको छ ।