रुकुम पश्चिमको मुसिकोट नगरपालिका ७ मा नेकपा माओवादी केन्द्रको सहायक सङ्गठन योङ्ग कम्युनिस्ट लिग (वाइसीयल)को वडा सम्मेलन सम्पन्न भएको छ । आज भएको सम्मेलनबाट नयाँ वडा समिति निर्माण गरिएको छ । आशिष खत्रीको अध्यक्षतामा २९ सदस्यीय वडा समिति निर्माण गरिएको हो । जसको उपाध्यक्षमा टेकराज सुनार, जीवन परियार, तुल्सिराम घर्ती र वीरेन्द्र घर्ती रहनुभएको छ । त्यस्तै सचिवमा जयप्रकाश विक, सह सचिव जुना परियार र सञ्जीव घर्ती तथा कोषाध्यक्षमा मनिषा गिरी चयन हुनुभएको छ ।

सम्मेलनमा वाइसीयलका केन्द्रीय सचिव शैलेसकुमार शर्माको प्रमुख र केन्द्रीय अनुशासन आयोग सदस्य डम्बर थापाको विशेष आतिथ्यता रहेको थियो । त्यस्तै वाइसीयल मुसिकाेट इन्चार्ज राजु विक, नेकपा माओवादी केन्द्र मुसिकोट ७ का अध्यक्ष प्रकाश विक, उपाध्यक्ष नवीन बुढामगर लगायतको उपस्थिति रहेको थियो । वाइसीयलका मुसिकोट नगर सचिव जर्ज पाण्डेको अध्यक्षतामा भएको सम्मेलनको सञ्चालन जयप्रकाश विकले गर्नुभएको थियो ।