रुकुम पश्चिमको बाँफिकोट गाउँपालिका वडा नम्बर २ मा आयोजित प्रथम वडा कप २०८१ आयोजक ए ले हात पारेको छ । मंगलबार भएको फाइनलमा बाँफिकोट ३ लाई ३-२ को सेटमा पराजित गर्दै आयोजकले प्रथम वडा कप जितेको हो । प्रथम भएको आयोजकले नगद २० हजार रुपैयाँको साथमा कप मेडल र प्रमाण पत्र प्राप्त गरेको खेलकुद व्यवस्थापक गोबिन्द खत्री ले जानकारी दिनुभयो । 

उहाँका अनुसार दोस्रो भएको बाँफिकोट ३ ले १५ तथा तेस्रो भएको आयोजक डी ले नगद दश हजार रुपैयाँका साथमा मेडल प्रमाण पत्र प्रदान गरिएको छ । श्री कृष्ण जन्माष्टमीको अवसरमा वडाका युवाहरुले आयोजना गरेको खुला शुद्ध वडा स्तरीय पुरुष भलिबल प्रति योगितामा रुकुम पूर्व र पश्चिमका २० टिमले प्रतिस्पर्धा गरेका थिए ।

वडाको लामाचौरमा खेल मैदानमा शनिवार  देखि सुरु भएको प्रतियोगिता आज सम्पन्न भएको हो । घैटोफोर र रस्साकस्सी प्रतियोगिता सञ्चालन गर्ने भनिएपनि  सयम अभावका कारण यी प्रतियोगिता सञ्चालन गर्न नसकिएको खेल व्यवस्थापक खत्रीले जानकारी दिनुभयो ।