अखिल नेपाल राष्ट्रिय स्वतन्त्र बिद्यार्थी यूनियन (क्रान्तिकारी) रुकुम पूर्वको अध्यक्षमा चन्द्र रसाइली निर्वाचित हुनुभएको छ । सिस्ने गाउँपालिका वडा नम्बर ६ छिप्रिदहमा दुई दिन सम्म चलेको २७ औँ जिल्ला सम्मेलनबाट रसाइली सर्वसम्मत अध्यक्षमा निर्वाचित हुनुभएको हो । रसाइलीको अध्यक्षतामा दुई जना पछि थप्ने गरी ३३ सदस्यीय जिल्ला समिति सर्वसम्मत निर्वाचित भएको अखिल नेपाल क्रान्तिकारी रुकुम पूर्वका जिल्ला इन्चार्ज रेबन खड्काले जानकारी दिनुभयो ।

उहाँका अनुसार उपाध्यक्षमा बिमल बिक, प्रदीप कामी र पूजा खड्का निर्वाचित हुनुभएको छ । यस्तै सचिवमा अम्बर खत्री र सह सचिममा आस्था बिक तथा कोषाध्यक्षमा रूपक बिक सर्वसम्मत निर्वाचित भएको अखिल क्रान्तिकारीका जिल्ला इन्चार्ज खड्काले जानकारी दिनुभयो । शनिवार नव निर्वाचित जिल्ला समितिलाई नेतृत्व घोषणाका साथै शपथ ग्रहण र दोसल्लाले  सम्मान गरिएको थियो । केन्द्रीय उप महासचिव तुलसी केसीले शपथ ग्रहण गराउनु भएको थियो ।

नेकपा माओवादी केन्द्रका जिल्ला पार्टी इन्चार्ज तेजबहादुर ओली, जिल्ला संयोजक कुमारी बराल, अखिल क्रान्तिकारीका फ्याक्सन इन्चार्ज जीवन केसी, जिल्ला इन्चार्ज रेबन खड्का लगायतले नव निर्वाचित समितिलाई बधाई तथा शुभकामना दिनुभएको थियो ।