रुकुम मैकोट 
आँखा नि राम्रै हो मन पर्‍यो नि ओठ 

रुकुम पूर्व लगायतका ठाउँमा छायाङ्कन गरिएको चलचित्र खुस्माको ‘रुकुम मैकोट’ नामको गीतले चर्चा बटुलेको छ । गीत सार्वजनिक भए देखि नै चर्चाको शिखरमा छ । अहिले यो गितले युट्युबमा तहल्का मच्चाइरहेको छ । यो समाचार तयार पार्दासम्म यो गीत युट्युबमा ११ लाख ९६ हजार भन्दा धेरै पटक हेरिएको छ । केन्द्र मोसन पिक्चर नामक युट्युब च्यानलबाट अगस्ट २५ तारिखमा सार्वजनिक भएको यो गीत केही दिन देखि युट्युबको ट्रेन्डिङ १ मा रहेको छ । सर्वाधिक चर्चामा रहेका गीत तथा सामग्रीहरू युट्युबको ट्रेन्डिङमा पर्ने गरेका छन् ।

युट्युबको ट्रेन्डिङ हेर्दा कुन गीत वा सामग्री कति चर्चामा छ भनेर थाहा पाउन सकिन्छ । ट्रेन्डिङ १ मा पर्नुलाई निकै राम्रो मानिन्छ । गीतमा रुकुम मैकोटलाई थेगोको रूपमा प्रयोग गरिएको छ । यस चलचित्रमा धिरज मगर र उपासना सिंह ठकुरीको अभिनय रहेको छ । गीतमा पनि यी दुवै फिचर्ड छन् । यस गीतमा एसडी योगी र शान्त श्री परियारले आवाज दिएका छन् । रुकुम पूर्वको मैकोटमा यस फिल्मको धेरै अंश खिचिएको छ । अशोक थापा मगरको निर्देशन रहेको यो चलचित्र असोज ३ गते प्रदर्शनमा आउने छ ।