नेपाल निजामती कर्मचारी युनियन रुकुम पश्चिमले स्थापना दिवसको अवसरमा जिल्ला अस्पताल सल्लेमा उपचाररत बिरामीहरूलाई फलफूल वितरण गरेको छ । आज बिहान जिल्ला अस्पतालमा पुगेर उपचाररत ३२ जना बिरामीलाई स्याउ, केरा लगायतका फलफूल वितरण गरिएको हो ।
बिरामीलाई फलफूल वितरण गरेर स्थापना दिवस मनाइएको नेपाल कर्मचारी युनियन रुकुम पश्चिमका अध्यक्ष देवबहादुर ओलीले जानकारी दिनुभयो । उहाँका अनुसार नेपाली काँग्रेसका कोषाध्यक्ष मोहवीर खड्काको प्रमुख तथा मुसिकोट नगर प्रमुख महेन्द्र केसी र पार्टीका जिल्ला सह सचिव यज्ञ विष्टको विशेष उपस्थितिमा फलफूल वितरण गरिएको हो ।
कार्यक्रममा नेपाली काँग्रेस रुकुम पश्चिमका प्रवक्ता लालबहादुर ओली, मुसिकोट नगर सभापति प्रेम ओली, आधिकारिक ट्रेड युनियनका अध्यक्ष जोगेन्द्र पुन, महाधिवेशन प्रतिनिधि डिल्लीबहादुर ओली, अस्पताल विकास समितिका अध्यक्ष टेकबहादुर कुसारी, जिल्ला अस्पतालका चिकित्सक तथा अन्य स्वास्थ्यकर्मी लगायतको पनि उपस्थिति रहेको अध्यक्ष ओलीले जानकारी दिनुभयो ।
कार्यक्रम नेपाल निजामती कर्मचारी युनियनका जिल्ला अध्यक्ष देवबहादुर ओलीको अध्यक्षतामा भएको थियो ।
