रुकुम पूर्वको सिस्ने गाउँपालिका ५ स्थिति रेडियो पूर्वी रुकुम १०३.२ मेगाहर्जमा कार्यरत पत्रकार बिशालबाबु घर्ती मगरले रुकुम पूर्व अस्पतालमा उपचाररत बिरामीलाई फलफूल वितरण गर्नु भएको छ ।
रुकुम पश्चिम चौरजहारी नगरपालिका वडा नम्बर १४ साक्चा बाबु आइते घर्ती मगर र आमा कलि घर्ती मगरका कान्छो छोरा घर्तीले २१ वर्ष पूरा भई २२ वर्षमा प्रवेश गरेको उपलक्ष्यमा जिल्ला अस्पतालमा रहेका बिरामीहरूलाई फलफूल वितरण गर्नु भएको हो ।
घर्तीले जन्मदिनको अवसरमा बिरामीहरूको स्वास्थ्यलाई मध्यनजर गर्दै र जन्मदिनमा हुने फजुल खर्चको सदुपयोग गरी बिरामीलाई स्वास्थ्यलाभको कामना गर्दै फलफूल वितरण गरेको बताउनुभयो ।
उहाँले १५ जना बिरामीलाई फ्रुटी, केरा र स्याउ वितरण गर्नुभएको हो । फलफूल वितरण कार्यक्रममा रुकुम पूर्व जिल्ला अस्पतालका प्रमुख डाक्टर जितेन्द्र कोइराला लगायतको उपस्थिति रहेको थियो ।।
