रुकुम पश्चिमको मुसिकोट नगरपालिका वडा नम्बर ९ मा महिला भवनमा तोडफोड भएको छ । साथै अज्ञात व्यक्तिले फलामको रड प्रहार गरी स्थानीय डिलबहादुर विकको १५ हजार बराबरको एउटा बाख्रा मारिदिएका छन् । तोडफोडबाट महिला भवनमा धेरै क्षति भएको बताइएको छ । भवनका काठ निकालेर फाल्नुका साथै झ्याल, ढोका लगायतमा पनि क्षति भएको स्थानीयले जानकारी गराएका छन् । भवनमा तीन दिन अघि तोडफोड भएको हो भने बाख्रो हिजो राति मारेको बताइएको छ । अन्य ४ वटा बाख्रा घाइते भएका छन् ।घटनाको बारेमा जानकारी बनाएलगतै प्रहरी चौकी झुलखेतबाट प्रहरी टोली अनुसन्धानको लागि घटनास्थल पुगेको बताएको छ ।