कर्णाली प्रदेश क्रिकेट संघकाे दाेस्राे साधारण सभा सम्पन्न भएकाे छ । कर्णाली प्रदेशकाे राजधानी वीरेन्द्रनगर सुर्खेतमा साधारण सभा सम्पन्न भएकाे हाे । गत आर्थिक वर्ष २०८०/०८१ काे वार्षिक आयव्यय पारित गर्दै साधारण सभा सम्पन्न भएकाे कर्णाली प्रदेश क्रिकेट संघका सचिव श्रीधर केसीले जानकारी दिनुभयाे ।
त्यस्तै कर्णाली प्रदेश खेलकुद विकास परिषदले कालिञ्चाेक क्रिकेट मैदान र ट्रस्ट भवन कर्णाली क्रिकेट संघलाई हस्तान्तरण गरेकाे छ । परिषदका सदस्य सचिव विश्वमित्र सञ्ज्यालले कर्णाली क्रिकेट संघका अध्यक्ष पदम खड्कालाई मैदान र ट्रस्ट भवन हस्तान्तरण गरेकाे सचिव केसीले बताउनुभयाे ।
कर्णाली क्रिकेट संघका अध्यक्ष खड्काकाे अध्यक्षतामा भएकाे कार्यक्रममा परिषदका सदस्य सचिव सञ्ज्यालकाे प्रमुख आतिथ्यता रहेकाे थियाे । कार्यक्रममा कर्णाली क्रिकेट संघका उपाध्यक्ष खडकजंग शाही, काेषाध्यक्ष सुर्य थापा, प्रदेश सदस्य, जिल्ला प्रतिनिधि लगायतकाे उपस्थिति रहेकाे थियाे । कार्यक्रमकाे सञ्चालन सचिव श्रीधर केसीले गर्नुभएकाे थियाे ।
