रुकुम पश्चिमको मुसिकोट नगरपालिका वडा नम्बर ५ शेरिगाउँमा एक पसलमा आगलागी भएको छ । वडाको यमुना नन्द नमुना मावि नजिकै रहेको बोहरा किराना पसलमा गयराती आगलागी भएको हो । आगलागीबाट पसल पूर्ण रूपमा ध्वस्त भएको सञ्चालक दुर्गाबहादुर बोहराले जानकारी दिनुभयो । 

उहाँका अनुसार करिब १५ देखि २० लाख बराबरको क्षति भएको छ । प्रहरी मुचुल्का तयार हुन भने बाँकी रहेको छ । गयराती करिब १० बजेतिर पसलमा आगलागी भएको थियो । आगलागीको कारण खुल्न सकेको छैन । 

पसल सञ्चालक बोहराले बिद्युत् लाइन सबै बन्द गरेर गएको भन्दै पसलमा कसैले जानी जानी आगो लगाइदिएको दाबी गर्नुभयो । आगो करिब २ घण्टा पछि नेपाल प्रहरी, सशस्त्र प्रहरी, आर्मी, नगर प्रहरी र स्थानीयले नियन्त्रणमा लिएका थिए । घटनाको अनुसन्धान चलिरहेको प्रहरीले जनाएको छ ।