रुकुम पश्चिमको मुसिकोट नगरपालिका वडा नम्बर १ कैलदेउमा खेलकुद प्रतियोगिता हुने भएको छ । भाद्र पूर्णिमाको अवसरमा नागरिक युवा दस्ता नेपाल रुकुम पश्चिम र कैलदेउ सामुदायिक वन उपभोक्ता समितिले संयुक्त रूपमा भलिबल लगायतका खेलकुद प्रतियोगिता आयोजना गरेका हुन । कार्यक्रम संयोजकमा हरियाली यूथ क्लब रहेको छ । 

खेल सञ्चालन असोज १ गते हुने छ भने मेला समापन असोज २ गते हुने आयोजकले जनाएको छ । भाद्र पूर्णिमा मेलाको अवसरमा खुला वडा स्तरीय पुरुष भलिबल, खुला सटफुट र सांस्कृतिक कार्यक्रम आयोजना गरिएको छ । भलिबलमा प्रथमले २५ हजार नगद सहित ट्रफि, मेडल र प्रमाणपत्र प्राप्त गर्ने आयोजकको भनाई छ । 

त्यस्तै द्धितियले १५ हजार र तृतीयले ५ हजार नगद मेडल र प्रमाणपत्र प्राप्त गर्ने छन् । सटफुटको विजेताले २ हजार पुरस्कार पाउने बताइएको छ । सांस्कृतिक कार्यक्रम तर्फ टोल स्तरीय लोकदोहोरी गीतमा प्रथमले ३ हजार, द्धितियले २ हजार र तृतीयलाई १ हजार पुरस्कार प्रदान गरिने छ ।।