बागलुङमा आज बिहान भएको दुर्घटनामा रुकुम पूर्वको पुथाउत्तगरगंगा गाउँपालिका वडा नम्बर २ का अध्यक्षको पनि मृत्यु भएको छ । दुर्घटनामा ज्यान गुमाउने मध्ये वडा नम्बर २ का अध्यक्ष जसबहादुर श्रीपालि पनि रहेको घटनास्थलमा रहनुभएका दुधसिंह बुढाले जानकारी दिनुभयो । रा १ झ २०० नम्बरको सरकारी गाडी आज बिहान पौने ९ बजेतिर बागलुङको गलकोट नगरपालिका वडा नम्बर २ भुङखानीमा दुर्घटना भएको थियो । उक्त दुर्घटनामा परी गाउँपालिका उपाध्यक्ष भुपेन्द्रा बुढाको पनि मृत्यु भएको छ । उपाध्यक्ष, उहाँकी आमा गाेपीमाया बुढा र वडाध्यक्ष श्रीपालि गरी तीन जनाको मृत्यु भएको छ । चालक घाइते भएका छन् । चालकको धौवलागिरी अस्पतालमा उपचार भइरहेको बताइएको छ ।