रुकुम पश्चिमको सदरमुकाम मुसिकोट खलङ्गामा सरसफाइ गरिएको छ । बाल दिवसको अवसरमा मुसिकोट नगरपालिका वडा नम्बर ५ मा रहेको न्यु मुन लाइट बोर्डिङ स्कुलमा गठित न्यु मुन लाइट सृजनशील बाल क्लबको आयोजनामा सरसफाइ गरिएको हो । सेरिगाउँ देखि खलङ्गाको कालिकास्थानसम्म सरसफाइ गरिएको हो । बाल क्लवका पदाधिकारी तथा सदस्य, शिक्षक, अन्य विद्यार्थी, अभिभावक लगायतको उपस्थितिमा सरसफाइ कार्यक्रम सञ्चालन भएको बाल क्लबका अध्यक्ष फ्रान्सिला बाेहराले जनाकारी दिनुभाे ।

उहाँका अनुसार राप्ती राजमार्ग तथा बजार क्षेत्रमा जथाभाबी फालिएका फोहोर उठाएर व्यवस्थापन गरिएको हो । जथाभाबी फालिएका फोहोर उठाएर व्यवस्थापन गर्नुका साथै जथाभाबी उम्रिएका झार पनि हटाइएको बताइएको छ । ‘बालबालिकामा लगानी: सुनिश्चित भविष्यको थालनी’ भन्ने नाराका साथ आज दिनभर ६० औँ राष्ट्रिय बाल दिवस मनाइएको छ ।