राष्ट्रिय लोक तथा दोहोरी गित प्रतिष्ठान जिल्ला कार्य समिति रुकुम पश्चिम सम्मानित भएको छ । कर्णाली प्रदेशको छैटौं वाार्षिक साधारणसभाको अवसरमा  उत्कृष्ट कार्यसम्पादनमा  जिल्ला कार्य समिति रुकुम पश्चिम सम्मानित भएको हो । राष्ट्रिय लोक तथा दोहोरी गित प्रतिष्ठानका पुर्व केन्द्रिय उपाध्यक्ष तथा केन्द्रिय सल्लाहाकार टिकाराम चपाई र प्रदेश अध्यक्ष हरिमाया कार्कीले राष्ट्रिय लोक तथा दोहोरी गित प्रतिष्ठान जिल्ला कार्य समिति रुकुम पश्चिमका अध्यक्ष तुल देवकोटालाई उत्कृष्ट कार्यसम्पादन गरेको भन्दै सम्मानित गर्नुभएको हो ।

अध्यक्ष देवकोटालाई सम्मान पत्र र दोसल्लाले सम्मान गरिएको हो । कर्णाली प्रदेशका दश जिल्ला मध्य राष्ट्रिय लोक तथा दोहोरी गित प्रतिष्ठान जिल्ला कार्य समिति रुकुम पश्चिम कार्यसम्पादनमा उत्कृष्ट भएको अध्यक्ष देवकोटाले जानकारी दिनुभयो । उहाँका अनुसार जिल्ला कार्यसमितिले जिल्लामा गरेका गतिविधी, गत काक्तिक १७ गते गएको भूकम्पमा देखाएको क्रियाशिलता तथा कला संस्कृतिको क्षेत्रमा पुर्याएको योगदानको कदर गर्दै सम्मान गरेको उहाँले जानकारी दिनुभयो ।

प्रतिष्ठानलाई उत्कृष्ट बनाउन योगदान पुर्याउने जिल्लाबासी र छनोट गर्ने प्रदेश समितिलाई राष्ट्रिय लोक तथा दोहोरी गित प्रतिष्ठान रुकुम पश्चिमले धन्यवाद ज्ञापन गरेकाे छ ।