रुकुम पूर्वमा ३ जनामा कोरोना संक्रमण पुष्टि
रुकुम पूर्वमा आज ३ जनामा कोरोना भाईरस(कोभिड–१९)को संक्रमण पुष्टि भएको छ । ८ जनामा गरिएको परीक्षणमा ३ जनामा संक्रमण देखिएको जिल्ला स्वास्थ्य कार्यालयले जनाएको छ । ५ महिला र ३ पुरुषको एन्टीजेन परीक्षण गरिएकोमा १ पुरुष र २ महिलामा कोरोना संक्रमण देखिएको हो । तिनै जना संक्रमित जिल्ला अस्पताल रुकुमकोटमा भएको परीक्षणबाट फेला परेको जिल्ला स्वास्थ्य कार्यालयका कोरोना रोग नियन्त्रण फोकल पर्सन निमप्रसाद गिरीले जानकारी दिनुभयो । यो संगै जिल्लामा कोरोनाको दास्रो लहर सुरु भए यता २४ जनामा संक्रमण देखिएको उहाँको भनाई छ ।
प्रकाशित मिति: बिहीबार, वैशाख २३, २०७८ २१:०७
प्रतिक्रिया दिनुहोस्
साताको लोकप्रीय
