जिल्ला प्रशासन कार्यालय रुकुम पश्चिमका प्रमुख जिल्ला अधिकारी हरिप्रसाद पन्तलाई विदाई गरिएको छ । आज जिल्ला प्रशासन कार्यालयमा एक कार्यक्रमको आयोजना गरी प्रमुख जिल्ला अधिकारी  पन्तलाई  विदाइ गरिएको हो । जिल्लामा विभिन्न सरकारी तथा गैर  सरकारी कार्यालयमा कार्यरत कार्यालय प्रमुख तथा कर्मचारीहरुले दोसल्ला तथा मायाको चिनो प्रदान गरेर विदाई गरेका हुन् ।

प्रमुख जिल्ला अधिकारी पन्तले रुकुम पश्चिममा करिव २० महिना कार्यरत रहि काम गरेर सरुवा हुनुभएको हो । उहाँको भूमि व्यवस्था, सहकारी तथा गरिवी निवारण मन्त्रालय सिंहदरबार काठमाडौमा सरुवा भएको छ । प्रमुख जिल्ला अधिकारीको समयवधी एक वर्ष हुने भएपनी विपत् व्यवस्थापनका कारण केहि समय ढिला सरुवा भएको हो ।

यसैविच त्रिवेणी गाउँपालिकामा प्रमुख प्रशासकीय अधिकृतको रुपमा सरुवा भएर आउनुभएका यज्ञबहादुर भण्डारीलाई स्वागत गरिएको छ । गाउँपालिकाले पालिकामा एक कार्यक्रमको आयोजना गरी प्रमुख प्रशासकीय अधिकृत भण्डारीलाई स्वागत गरेको हो । उहाँ माडी गाउँपालिका रोल्पाबाट सरुवा भएर बुधबारदेखि पालिकामा हाजिर हुनुभएको हो । त्रिवेणी गाउँपालिकामा कार्यरत प्रमुख प्रशासकीय अधिकृत प्रेमबहादर घर्तीको सुनछहरी गाउँपालिका रोल्पामा सरुवा भएको छ । उहाँलाई गाउँपालिकामा कार्यरत कर्मचारी जनप्रतिनिधी लगाएतले मंगलबार बिदाइ गरेका थिए ।  

त्यस्तै कृषि विकास कार्यालयका प्रमुख मिनबहादुर केसीलाई पनि बिदाई गरिएकाे छ । करिव ४ वर्ष कार्यालय प्रमुखका रूपमा कार्यरत उहाँकाे कृषि तथा पशुपंक्षी विकास मन्त्रालयमा सरूवा भएकाे छ ।