रुकुम पश्चिमका विष्टको झ्याप्लेखोला पहिरोमा ज्यान गयो
गत शनिबार रातित्रिभुवन राजपथअन्तर्गत धादिङको झ्याप्लेखोलामा आएको पहिरोमा परेर रुकुम पश्चिमका एक व्यक्तिको मृत्युु भएको खुलेको छ । जिल्लाको मुसिकोट नगरपालिका १४ लोरिवाङका ३७ वर्षीय तेजबहादुर विष्टको पहिरोमा मृत्यु भएको खुलेको हो । चितवन राष्ट्रिय निकुञ्जमा कार्यरत निकुञ्ज संरक्षणकर्मी विष्ट चितवनबाट काठमाडौं जाँदै गर्दा पहिरोमा परेर मृत्यु भएको उहाँका भतिजा यज्ञ डाँगीले जानकारी दिनुभयो ।
उहाँका अनुसार विभागको कामको सिलसिलामा विष्ट शुक्रबार राति चितवनदेखि काठमाडौको लागि हिड्नु भएको थियो । विष्ट शनिबार बिहानदेखि सम्पर्कमा नआएपछी पहिरोमा परेको आशंका गरिएको थियो । खोजिकार्य गर्दा उहाँको शव सोमबार दिउँसो झ्याप्लेखोलामा पहिरोमा फेला परेको हो ।
विगत ६ वर्षदेखि विष्ट चितवन राष्ट्रिय निकुञ्जमा कार्यरत हुनुहुन्थ्यो ।
प्रकाशित मिति: सोमबार, असोज १४, २०८१ २१:५७
प्रतिक्रिया दिनुहोस्
साताको लोकप्रीय
