रुकुम पश्चिममा एक वृद्ध झुन्डिएको अवस्थामा मृत फेला परेका छन्  जिल्लाको आठविसकोट नगरपालिका वडा नम्बर १३ हप्पाका ६९ वर्षिय ज्ञानबहादुर मल्ल बुधबार मृृत फेला पर्नुभएको हो । घर नजिकै रहेको रुखमा झुन्डिएको अवस्थामा मल्ल मृत फेला परेको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक बखतबहादुर शाहीले जानकारी दिनुभयो ।

उहाँका अनुसार घटना घटेको प्रहरीलाई जानकारी प्राप्त भएपछि घटनास्थलमा प्रहरी पुगेको छ । आत्महत्या गर्नुको कारण भने केहि नखुलेको निरीक्षक शाहीले बताउनुभयो । यस विषयमा थप अनुसन्धान भइरहेको जिल्ला प्रहरी कार्यालय  रुकुम पश्चिमले जनाएको छ ।