रुकुम पश्चिममा ९० वर्षमाथिका जेष्ठ नागरिकलाई नगदसहित थर्मस प्रदान गरिएको छ । जिल्लाको मुसिकोट नगरपालिका वडा नम्बर १२ का ३ जना ९० वर्षमाथिका जेष्ठ नागरिकलाई थर्मस र नगद रकम प्रदान गरिएको हो । जेष्ठ नागरिक मञ्च मुसिकोट नगरपालिकाले वडा नम्बर १२ का ९० वर्षमाथिका ३ जना धनसरी डाँगी, भर्दविर ओली र चम्पा ओलीलाई घरमै पुगेर थर्मस र नगद ५ सय रुपैयाँ सहित सम्मान गरेको वडा अध्यक्ष धिरण सिर्पालीले जानकारी दिनुभयो ।
उहाँका अनुसार जेष्ठ नागरिक मञ्च मुसिकोट नगर अध्यक्ष लक्ष्मण शर्मा, सदस्य भिमबहादुर खड्का लगायतको समुहले घरमै पुगेर उहाँहरुलाई थर्मस तथा नगद सहित सम्मान गरको हो । चिसो मौसममा आश्यक पर्ने तातो पानी पिउनको एक एक वटाका दरले जेष्ठ नागरिकले थर्मस पाएको र यसले जेष्ठ नागरिकलाई चिसो मौसममा तातो पानीको लागि सहज हुने वडा अध्यक्ष सिर्पालीले जानकारी दिनुभयो ।
९० वर्षमाथिका जेष्ठ नागरिकलाई थर्मस सहित नगद रकम प्रदान गर्ने मुसिकोट जेष्ठ नागरिक मञ्चालाई वडाले धन्यवाद समेत ब्यक्त गरेको छ ।
