रुकुम पश्चिमको मुसिकोट नगरपालिका ५ शेरिगाउँमा सञ्चालित प्रथम बुद्धिराज स्मृति कप पुरुष खुला डबल ब्याडमिन्टन प्रतियोगिता सम्पन्न भएको छ । मुसिकोट युवा क्लबकाे आयोजनामा भएको प्रतियोगितामा कवीन्द्र पुन र शिखर केसीको जोडी प्रथम भएको छ ।
मंगलबार भएको फाइनलमा कमानसिंह ओली र राजु परियारको जोडीलाई पराजित गर्दै कवीन्द्र र शिखरको जोडी प्रथम भएको हो । यो जोडीले कप सहित नगद १० हजार हात पारेको छ ।
त्यस्तै उपविजेता ओली र परियारको जोडीले नगद ५ हजार, कप, मेडल र प्रमाणपत्र पाएको आयोजक मुसिकोट युवा क्लबका अध्यक्ष सङ्गम खड्काले जानकारी दिनुभयो । उहाँका अनुसार महेन्द्र पुन र मदन खड्का तथा कमल पुन र गिरीभान पुनको जोडी सान्त्वना भएको छ ।
उक्त जोडीले समान १५ सय नगद, मेडल र प्रमाण पत्र प्राप्त गरेको अध्यक्ष खड्काले जानकारी दिनुभयो । क्लबका अध्यक्ष खड्काको अध्यक्षतामा भएको कार्यक्रममा मुसिकोट नगरपालिकाका प्रथम प्रमुख देवीलाल गौतमको प्रमुख आतिथ्यता र मुसिकोट ५ का वडाध्यक्ष समिरजंग मल्लको विशेष आतिथ्यता रहेको थियो ।
प्रतियोगिताको सम्पूर्ण व्यवस्थापन स्वर्गीय बुद्धिरामका छोरा महेन्द्र शर्माले गर्नुभएको हो । पुरस्कार देखि अन्य सबै व्यवस्थापन गरेको उहाँले बताउनुभयो । यो प्रतियाेगितालाई अब बर्सेनि नियमित रूपमा सञ्चालन गर्ने शर्माले बताउनुभयो । औपचारिक कार्यक्रमका बिच प्रतियोगिताको समापन गरिएको हो ।
