तेस्राे ट्याखाेला गाेल्डकप आयाेजक बि ले जितेकाे छ । रूकुम पश्चिमकाे मुसिकाेट नगरपालिका वडा नम्बर ४, ६ र ११ काे सिमानामा रहेकाे ट्याखाेला खेल मैदानमा भएकाे प्रतियाेगिता आयाेजक बि ले जितेकाे हाे । उसले बुधबार भएकाे फाइनलमा सल्ले यूथ क्लबलाई २-१ गाेलले पराजित गर्याे ।
निर्धारित समयकाे खेल १-१ काे बराबरी भएपछि थप गरिएकाे समयमा आयाेजक बि ले १ गाेल गरेकाे थियाे । विजेता आयाेजक बि ले नगद ४० हजार, कप, मेडल र प्रमाणपत्र प्राप्त गरेकाे छ ।
उप विजेता सल्ले यूथ क्लबले २० हजार नगद, मेडल र प्रमाणपत्र प्राप्त गरेकाे आयाेजक ट्याखाेला खेलकुद संघका सल्लाहकार मनाेज बुढाथाेकीले जानकारी दिनुभयाे । प्रतियोगिताकाे वेस्ट प्लेयर आयाेजक बि का बिनाेद कठायत घाेषित भए ।
प्रतियाेगितामा विभिन्न ठाउँका १९ टिमले प्रतिस्पर्धा गरेका थिए । प्रतियोगिता सेभेन ए साइडमा खेलाईएकाे थियाे ।
