नेकपा एमाले रुकुम पश्चिम सानीभेरी गाउँपालिका ४ को वडा अधिवेशन सम्पन्न भएको छ । बिहीबार वडाको चन्द्रज्योती आधारभूत विद्यालय स्यानीखाली गारछारालामा सम्पन्न अधिवेशनबाट नयाँ वडा कमिटी निर्माण गरिएको छ । अधिवेशनले बलबहादुर मल्लको अध्यक्षतामा २९ सदस्यीय वडा कमिटी गठन गरेको छ । जसको उपाध्यक्षमा भवानी ओली, सचिवमा लालबहादुर बराल र उपसचिवमा बलबहादुर मल्ल बि र निर्मला चन्द शाही सर्वसम्मत निर्वाचित भएको नेकपा एमाले रुकुम पश्चिमका प्रचार विभाग प्रमुख जीवन खड्काले जानकारी दिनुभयो । 

बलबहादुर मल्लको अध्यक्षतामा भएको अधिवेशनमा नेकपा एमाले कर्णाली प्रदेश कमिटी सदस्य गणेश चिन्तनको प्रमुख नेकपा एमाले रुकुम पश्चिमका अध्यक्ष नन्दराम देवकोटाको विशेष आतिथ्यता रहेको थियो । 

त्यस्तै अधिवेशनमा पार्टीका जिल्ला कमिटी उपाध्यक्ष मनवीर घर्ती, पार्टी जिल्ला सदस्य तथा अनेरास्ववियुका केन्द्रीय सदस्य प्रकाश खड्का, पार्टीका सानीभेरी गाउँपालिका अध्यक्ष लोकबहादुर खड्का, उपाध्यक्ष वीरभान ओली लगायतको पनि आतिथ्यता रहेको थियो । अधिवेशनको सञ्चालन लालसिंह ओलीले गर्नुभएको थियो ।