रुकुम पश्चिमको मुसिकोट नगरपालिका वडा नम्बर १४ मा अवस्थित प्रभात मावि दाेपाइमा प्रतीक्षालय निर्माण गरिएको छ । पूर्व विद्यार्थी यमकान्त केसीले विद्यालयमा प्रतीक्षालय निर्माण गर्नुभएको हो । उहाँले झन्डै डेढ लाख बढी लागतमा प्रतीक्षालय निर्माण गरेको विद्यालयले जनाएको छ । पूर्व विद्यार्थी केसीले उक्त प्रतीक्षालयको रिबन काटेर उद्घाटन समेत गर्नुभएको छ ।

उहाँले आफू बाल्यकालमा पढेको विद्यालयमा प्रतीक्षालय निर्माण गर्न पाउँदा खुसी रहेको र आगामी दिनमा आफूले सके अनुसारको सहयोग गर्ने प्रतिबद्धता जनाउनुभयो । विद्यालयमा प्रतीक्षालय निर्माण गरेपछि विद्यालय परिवारले पूर्व विद्यार्थी केसीलाई दोसल्ला ओढाएर सम्मान समेत  गरेको छ।