कालिकाेटमा जिप दुर्घटना हुँदा ६ जनाकाे मृत्यु, घटनास्थलमा हेलिकाेप्टर पुग्याे
कालिकोटमा भएको जिप दुर्घटनामा ६ जनाको मृत्यु भएको छ । पलाँता गाउँपालिकाकी उपाध्यक्ष अलैपुरा जैशीले ६ जनाको मृत्यु भएको स्थानीय प्रहरी चौकीलाई उद्धृत गर्दै जानकारी दिनुभयो ।
‘६ जनाको मृत्यु भएको प्रहरी चौकीबाट मलाई जानकारी गराउनु भएको छ । त्यसमध्ये ४ जनाको पहिचान खुलेको छ’, उहाँले भन्नुभयाे ।
आइतबार पलाँता गाउँपालिका–३ को राडुनेटा भन्ने ठाउँमा जिप दुर्घटनामा भएको हो । जिप सडकबाट करिब ३०० मिटर तल खसेको बताइएको छ ।
यसैबिच कर्णाली प्रदेश कार्यालय सुर्खेतका डीआईजी जनक भट्टराईले घटनास्थलमा जिल्ला प्रहरी कार्यालयबाट डीएसपीको टोली पठाइएको र स्थानीय प्रहरी भने घटनास्थलमा पुगेर उद्धार सुरु गरिसकेको बताउनुभयाे । साथै घटनास्थलमा हेलिकाेप्टर समेत पुगेकाे छ ।
यसअघि मृतककाे संख्या फरक परेकाेले सच्याइएकाे छ- सम्पादक
प्रकाशित मिति: आइतबार, कात्तिक २५, २०८१ १६:३२
प्रतिक्रिया दिनुहोस्
थप समाज
साताको लोकप्रीय
-1731145847.jpeg)
