रुकुम पश्चिमको मुसिकोट नगरपालिका वडा नम्बर १ मुलखोलामा बसले मोटरसाइकललाई ठक्कर दिँदा एक जना घाइते हुनुभएको छ । सोमबार दिउँसो खलंगाबाट सल्ले  जानेक्रकम रा ६ प ४८५९ नम्बरको मोटरसाइकललाई रा १ ख २९८१ नम्बरको रुकुम सिस्ने यातायात प्रालीको बसले ठक्कर दिँदा मुसिकोट नगरपालिका ३ माछमीका चन्द्रबहादुर केसी घाइते हुनुभएको हो ।

मोटरसाइकललाई बसले थिचेको र चालक केसी भागेर बाच्न सफल भएको प्रत्यक्षदर्शी टंक देवकोटाले जानकारी दिनुभयो । उहाँका अनुसार मोटरसाइकल चालकलाई भाग्नेक्रममा सामान्य चोट लागेको छ । केसीलाई उपचारको लागि जिल्ला अस्पताल सल्ले लगिएको छ । मुलखोलाबाट बस सफा गरेर फर्किदै गर्दा बसले मोटरसाइकललाई ठक्कर दिएको हो ।

घटनास्थलमा नेपाल प्रहरी, ट्राफिक  प्रहरी र स्थानीयहरु पुगेको प्रत्यक्षदर्शी देवकोटाले जानकारी दिनुभयो ।