रुकुम पश्चिमको आठबिसकाेट नगरपालिकामा अटो दुर्घटना हुँदा ५ जना घाइते भएका छन् । वडा नम्बर ११ को चौरमा अटो दुर्घटना भएको प्रहरीले जनाएको छ । वडा नम्बर ९ को राडीबाट वडा नम्बर ११ को चिसापानी तर्फ आइरहेको अटो दुर्घटना भएको हो ।

घाइते हुनेमा आठबिसकोट नगरपालिका १३ निवासी ३१ बर्सिया सरिता बुढा ओली, सोही वडा निवासी ४२ बर्सिया कमला पुन, वडा नम्बर १४ निवासी ३५ बर्सिया मुना खत्री, उहाँका श्रीमान् ३८ वर्षीय कृष्ण पोखरेल र १५ महिनाको छोरा प्रदीप पोखरेल रहेको प्रहरीले जनाएको छ ।

अटोमा सवार अन्य २ जना भने सामान्य रहेको बताइएको छ । घाइतेलाई उपचारका लागि आठबिसकाेट नगर अस्पताल राडी लगिएको छ । घाइतेको अवस्था गम्भीर नरहेको बताइएको छ । अटो चालक ललित परियारलाई इलाका प्रहरी कार्यालय राडीले नियन्त्रणमा लिएको छ । दुर्घटनाको कारण खुलेको छैन ।