रुकुम पश्चिमको मुसिकोट नगरपालिका वडा नम्बर १ त्रिवेणी चोक नजिकै ट्याक्टर दुर्घटना भएको छ । शनिबार साँझ त्रिवेणी चोकदेखि रावलबार जोनेक्रममा लु ५ त १२५६ नम्बरको ट्याक्टर दुर्घटना भएको हो । त्रिवेणी चोकदेखि रावलबारा जाने उकालो सडकमा सरिया, गिठ्ठी बोकेको ट्याक्टर लोड तान्न नसकि पछितिर आउँदा दुर्घटनामा परेको जिल्ला ट्राफिक प्रहरी कार्यालय रुकुम पश्चिमले जनाएको छ ।

ट्याक्टर रावलबार जाने सडक र राप्ती  राजमार्गको विच भागको भिरालो ठाउँका अड्किएको छ । दुर्घटनामा मानवीय क्षति भने भएकाे छैन् ।  उक्त ट्याक्टर राप्ती सोनारी गाउँपालिका वडा नम्बर ८ बाँकेका २४ वर्षिया सुरेश थारुले चलाएको खुलेकाे प्रहरीले जनाएको छ ।