आफ्नै बुवाको हत्या गरेका रुकुम पश्चिमको आठबिसकोट नगरपालिका १० का वीरबहादुर खत्री अझै फरार छन् । आइतबार बेलुकी बुवा द्रवे खत्रीको हत्या गरी फरार अन्दाजी १९ वर्षीय वीरबहादुर खत्रीलाई प्रहरीले अझै फेला पार्न सकेको छैन । 

घटनाको जानकारी लगत्तै प्रहरी घटनास्थलमा पुगेको थियो । प्रहरी घटनास्थलमा पुग्दा चक्कु प्रहार गरेर आफ्नै बुवाको हत्या गरी वीरबहादुर फरार भइसकेका थिए । प्रहरीले वीरबहादुरको तीव्र खोजी कार्य जारी राखेको जिल्ला प्रहरी प्रमुख प्रहरी नायव उपरीक्षक नवराज पोखरेलले बताउनुभयो ।

घटना घटाएर फरार रहेका वीरबहादुरको खोजी तीव्र पारिएको र अहिलेसम्म फेला पार्न नसकिएको उहाँको भनाई छ । जिल्लाका नाका नाकामा कडाइ गरिएको उहाँले बताउनुभयो । गाउँ देखि जिल्ला बाहिरिने तथा भित्रिने नाकाहरूमा कडाइ गरिएको डिएसपी पोखरेलले बताउनुभयो ।