पूर्व गृहमन्त्री तथा रुकुम पश्चिमबाट प्रतिनिधि सभा सदस्य जनार्दन शर्मा ‘प्रभाकर’ले अक्सिजनको सहज व्यवस्थापन गरी जनताको जीवन रक्षा गर्न सरकारसंग माग गर्नुभएको छ । आज सामाजिक सञ्जाल फेसबुकमा स्टाटस लेख्दै नेता शर्माले अक्सिजन आपूर्ति सहज बनाई जनताको जीवन रक्षा गर्न माग गर्नुभएको हो । राज्य संग भएको सम्पुर्ण श्रोतसाधन, ४ वटा जहाजहरु समेत प्रयोग गरि संभव भएका विदेशी नियोग समेतको सहायता लिइ अक्सिजन आपूर्ति सहज गरि जनताको जीवन रक्षा गरियोस् उहाँले फेसबुकमा लेख्नुभएको छ ।

त्यस्तै काठमाडौंमा समेत अक्सिजन अभावमा अस्पतालले बिरामी उपचार गर्न नसक्ने घोषणा गरेका छन् । काठमाडौंमा मात्र दैनिक ८–१० हजार सिलिन्डर उत्पादन हुने भनिएको छ । उक्त अक्सिजन कसले वितरण गर्छ र कहाँ खपत भइरहेको छ ? क्षमता वृद्धि गर्न नसकेपनी उक्त अक्सिजनको खपत बारे पनि जनतालाई जानकारी गराइयोस उहाँले भन्नुभएको छ । आफु जनताको जीवन रक्षा गर्न आपनो ठाउँबाट सम्पुर्ण सहयोग गर्न प्रतिबद्ध रहेको समेत उहाँले उल्लेख गर्नुभएको छ ।