रूकुम पश्चिमकाे आठबिसकाेट नगरपालिकाले शिक्षककाे काज सरूपा गरिदिएपछि एक विद्यालय बन्द गरिएकाे छ । वठरडा नम्बर १० काे सरस्वती आधारभूत विद्यालय फलाँटेमा कार्यरत शिक्षक खिमला खनाल वस्नेतलाई नगरपालिकाले वडा नम्बर १० काे सहिद स्मृति दिप ज्याेति नमुना मावि राडिमा सरुवा गरेपछि विद्यालय बन्द गरिएकाे हाे ।

असाेज १० गतेकाे नगरकार्पालिका ब‌ैठकले शिक्षक वस्नेतलाई काज सरूवा गरेकाे र विद्यालयमा रसक्त रहेकाे उक्त ठाउँमा काेही पनि शिक्षक नपठाएपछि अध्यापन गर्न कठिन भएपछि विद्यालय बन्द गरिएकाे विद्यालय व्यवस्थापन समितिका अध्यक्ष विष्णु कुसारीले जानकारी दिनुभयाे ।

विद्यालय व्यवस्थापन समितिकाे मंसिर ४ गतेकाे निर्णय अनुसार काज सरूवा फिर्ता वा पदपूर्ति नहुदासम्म मंसिर १२ गते मंगलबार देखि  लागू हुने गरि विद्यालय बन्द गरिएकाे विव्यस अध्यक्ष कुसारीले जानकारी दिनुभयाे । विद्यालय व्यवस्थापन समितिले नै विद्यालय बन्द गरेपछि पठनपाठन ठप्प भएकाे छ ।