रुकुम पश्चिमको बाफिकोट गाउँपालिका वडा नम्बर ३ मा करेन्ट लागेर एक जनाको मृत्यु भएकाे छ। ३ नम्बर वडाको भाग्लेमा निर्माण हुँदै गरेको स्यार्पू हाइड्रोपावर आयोजनामा काम गर्ने मजदुरको करेन्ट लागेर मृत्यु भएको हो ।

सल्यान जिल्लाको कपुरकोट गाउँपालिका वडा नम्बर २ का ३२ वर्षीय मानबहादुर नेपालीको मृत्यु भएको  वडा अध्यक्ष तिलविर केसीले जानकारी दिनुभयो। 

बिहिबार दिउँसो ३ बजेको समयमा स्यार्पू हाइड्रोपावर जल विद्युत आयोजना भाग्लेमा काम गर्ने क्रममा नेपालीकाे करेन्ट लागेर मृत्यु भएको वडा अध्यक्ष केसीले जानकारी दिनुभएको।