रुकुम पूर्वको पुथाउत्तरगंगा गाउँपालिकामा मतदान सुरु भएको छ । उपाध्यक्ष निर्वाचनका लागि भएको उप निर्वाचन अन्तर्गत  बिहान ७ बजेदेखि  मतदान सुरु भएको हो । १४ वटै वडाका १९ मतदान स्थलका २५ मतदान केन्द्रबाट पालिका उपाध्यक्षको लागि मतदान भइरहेको छ । नेकपा माओवादी केन्द्रको उपाध्यक्ष पदको उम्मेदवार नरपुरा बुढा पुनले १२ नम्बर वडा स्थित पर्वत मावि कोलको क मतदान केन्द्रबाट मतदान गर्नुभएको छ। 

यस्तै नेकपा एमाले र नेपाली काँग्रेस गठबन्धनबाट पालिका उपाध्यक्षकी साझा उम्मेदवार केशकुमारी तुलाचनले  पनि मतदान गर्नुभएको छ । उहाँले ९ नम्बर वडा स्थित आदर्श मावि खराबाङको मतदान केन्द्रबाट मतदान गर्नुभएको हो । पालिकामा १९ मतदान स्थल र २२ मतदान केन्द्र छन् । उप निर्वाचनका लागि पालिकाभरमा ११ हजार १ सय ८० मतदाता रहेका छन् ।

गत भदौ २८ काठमाडौँबाट रुकुम पूर्व आउँदै गरेको पुथाउत्तरगंगा गाउँपालिकाको गाडी बागलुङमा दुर्घटना हुँदा गाउँपालिका उपाध्यक्ष भूपेन्द्रा बुढा र २ नम्बर वडा अध्यक्ष जसबहादुर शेर्पालीको मृत्यु भएको थियो । रिक्त रहेको २ नम्बर वडामा नेकपा माओवादी केन्द्र जगत घर्ती निर्विरोध निर्वाचित भइसक्नु भएको छ भने पालिका उपाध्यक्षको लागि आज उप निर्वाचन भइरहेको छ ।